DEPRENDI ASTURIANU

Locuciones alverbiales de cantidá: A barcalaes, a bogayu, a embute, a esgaya, a estazón, a fargataes, a farta farta, a fartar, a goxa enllena, a magüeyu, a mamplén, a marallos, a paxaos, a xarraes, bien de..., etc.

A UNA LLAMERA SECA

Yá nun brota fueyes la llamera;

sicasí, naide foi a valtar la so cadarma,

de la ilesia del Espín, a la so vera,

de la poesía, seique arma,

ellí se caltién na to memoria,

ellí, amigu Antón, na mesma Soria.

A una llamera seca

A la llamera fendía pol rayu

y na so metá podre,

coles agües d'abril y el sol de mayu,

retueyaron fueyes tando hasta l’odre.

¡La llamera pervieya na ribada

que llambe'l Douru! Un mofu amarelláu

empuerca-y la corteza ablancazada

al so tueru foroñosu y polvoriáu.

Nun va ser, igual qu’álamos cantores

que guarden el camín y la ribera,

abellugu de pardos ruiseñores.

Tropiella de formigues en filera

esguila per él, y nes sos coraes

urden les telarañes mil filaes.

Naide te valtará en xunu primeru,

nin l’hachu lleñador, nin carpinteru

va amenorgate en pelo de campana,

forcada o cabezón d'una carreta;

nin en llariega arroxarás mañana,

amburando una mísera caseta

na vera d'un camín;

nin va desafitate un torbolín,

tampoco l’airada les cumes blanques;

nun va emburriar el ríu nesa xera

per valles y barranques,

magar que dibuxé na mio cartera

pa siempres la to caña perecida,

per dientro esa alambrera,

na ilesia del Espín yá tola vida,

afayada’l milagru en primavera.

Norabona a Xicu I

     Norabona al nuevu Papa Xicu I que ye collaciu d’equí de Bonos Aires y col que fui munches vegaes nel metro fasta República Arxentina. Güei quedo en Tribunal, sicasí

nun escaezo los viaxes na compaña de So Santidá.

¡Echáime un gabitu!

     ¿Ye qué naide conoz a Brad Pitt? A ver si dalguno que viva pelos Estaos Xuníos ye quien a echame un gabitu ya-y lu diz, yá qu'Angelina Jolie aporfia en apurrime correos pel Xmail que tan encetaos y chíngame tolos archivos. De la qu’encamiente daqué, que-y diga dalgo tamién a Jennifer Aniston, si entá se lleven, por culpa que, de la mesma mena, anecia en escribime de cuando en vez.

¡A Laponia!

La de un taxi cada día,

la que tiene tantos humos,

hoy va en metro por la vía

y reduce los consumos.

La de la casa en Vallecas,

no en el barrio Salamanca,

la que ignoraba hipotecas,

se está quedando sin blanca.

Esta crisis galopante

a muchos los reubica,

mientras que medra el mangante

y su caudal multiplica.

En tanto nos suben todo,

bajan pensión y jornal,

nos sumergen en el lodo

y el futuro pinta mal.

De tanto apretar la cuerda,

puede llegar a romper,

toda medida se acuerda,

jamás se debe imponer.

Si exigen los de la Troika,

mandémoslos a Laponia,

con su instrucción paranoica,

ya está bien de parsimonia,

de mentiras y de abusos,

ya que somos ciudadanos,

ni vasallos, ni reclusos,

si bien, siempre, los paganos.

La del taxi cada día,

la que nunca escatimaba,

yo creo que se uniría,

se acabó lo que se daba.

8 de marzu, ¡norabona!

(Imaxe: Colexu la Gavilueta)

     ¡Norabona a toles muyeres!, ¡norabona a tolos Xuan de Dios!, ¡norabona a tolos Ducato!, ¡norabona a tolos Estébano!, ¡norabona a tolos Fliz!, ¡norabona a tolos Humfrido!, ¡norabona a tolos Litifredo!, ¡norabona a tolos Poncio!, ¡norabona a tolos Senano!, ¡norabona a tolos Teofilacto!, ¡norabona a tolos Veremundo!, ¡norabona a tolos Fausto!, ¡norabona a tolos Vicente y norabona a tolos Provino en particular y a tolos probinos en xeneral!

Atarraquitando’l metro.

(Imaxe, Taringa)

    Un abegosu asuntu, qu'abluca a los científicos dende va sieglos, sobro l’orixe de la vida na Tierra, podría tar agora más averáu a pescanciase tres un esperimentu iguáu por dellos químicos de la Universidaes d'Hawái y California. Nél s'amuesa, nuna preba informática, como esos complexos lladriyos pueden formase ente'l la xelada povisa interplanetaria que nalexa pel espaciu y ser tresportaos dempués a otros requexos, como la Tierra, entamando asina l’orixe de la vida. Pa quien tea interesáu, l'estudiu s’espublizará'l 10 de marzu en The Astrophysical Journal. D'esa mena, seríen quien a esmucise al traviés de los respiraderos del metro de Madrid y afayaríen nos sos atarraquitaos vagones n'hora punta en toa triba de viaxeros interplanetarios que se treslladaríen ensin ni siquiera pagar el porte, fadiando aínda más a los paganos de raigañu.

Cólicos nefríticos III

          ...Namái llegar, el reñón paez que fiende otra vegada. Pruebo fasta con un cobertor llétricu, pero nun hai remediu que valga. Un pariente m'aconseya que m'allugue en posición fetal. Asitio dende’l fetu al fatu en toles postures del Pendanga Ranga y nenguna m’asolivia. Mal a gustu resisto otros dos díes fasta que nun soi quien a aguantar más. Hai que llamar otra vegada a Urxencies.

     Serenes, serenes... Vien l’ambulancia. Piquen na puerta. El doctor entruga:

—¿Cómo se llama?, ¿cómo se llama?

     Endílgame daqué per vena y anecia en entrugar:

—¿Cómo se llama?, ¿cómo se llama?

    "Yá-y lu dixi, otra vez el mesmo cuentu”.

     Tampoco respuendo al tratamientu de choque y apúrreme de nuevu pal hospital. Ellí, otra mélicu me pregunta:

—¿Cómo se llama?, ¿cómo se llama?

     “¡Rediós!, esto ye un “déjà vu”, toi que muerro y paez que sólo-ys interesa’l mio nome, ¿qué coime estudiaría toa esta xente?”*...

*Nun almite les comines españoles

Descomposturas

y otra más...

El perro de la vecina

excreta cerca de un kilo,

de defecación canina,

con disimulo y sigilo.

Ella le expide una mueca,

apostada en la otra acera,

y, tras hacerse la sueca,

se marchan a la carrera.

Allí dejan el regalo,

que pisará un transeúnte,

puede ser inglés o galo,

el que su zapato unte.

La caca se desparrama

y se esparce por la vía,

por su difusión, en rama,

huele por donde no olía

nada más que a orín humano

y a las revueltas basuras

del contenedor cercano

que añade descomposturas

al humo de los pitillos

de abandonadas colillas,

de los guarros y guarrillos,

en Callao o en Las Vistillas.

Con un aerosol remata,

ajeno muro, un artista,

gas en dispersión de lata

que propaga y se despista.

En tanto que grazna el grajo,

finaliza el botellón,

uno propulsa un gargajo

y otro, la devolución. 

Mas, mujer, no seas rancia,

no dejan de ser costumbres,

hay que tener tolerancia,

es mejor que te acostumbres.

Nada

     (Otra poesía en castellano que añado con el propósito de incrementar un ápice las escuetas visitas a mi recóndito blog en la denostada lengua asturiana...)

Cuaderno de anotaciones,

registro de mi ignorancia,

de olvidos y vejaciones,

y de mi memoria rancia,

de alguna esquiva cuarteta

que derrama un verso escueto,

pendiendo de esa libreta,

columpiando de un soneto.

Imagen de lo que veo,

por Madrid o por el campo,

por Cangas, Grado o Tineo,

por allá por donde acampo,

de la tierra, mar o cielo,

con sol o tiempo lluvioso,

cuando el nublo extiende el velo,

cuando el verde es más hermoso.

Repasando con los días,

 remembranzas del pasado,

de entrañables romerías,

cuando estabas a mi lado.

Escenas de familiares,

recorridos por cordales,

los chigres que ahora son bares,

algazara de chavales.

Los años que se quedaron,

desparramados en brañas,

las canas que se asentaron,

que aún me parecen extrañas.

El amor eterno a Asturias,

al igual que a mi familia,

las llagas de las injurias

y el recuerdo que me auxilia.

Emociones que te ofrezco,

sin pedirte a cambio, nada.

acuérdate si fallezco,

de esta rima apasionada.

Si vos peta...

(Soleya Freakin News)

     Güei, amás d’Angelina Jolie, m’escribió Pamela Tresentamuenson. Yá me ta cafiando dafechamente l’asuntu. Ruégovos a tolos mios collacios que nun apurráis la mio direición de corréu a nenguna d’estes paisanes d'Hollywood, por culpa de que-y paez mal a la mio muyer y darréu m’enceten los mios archivos que dempués nun me furrulen.

Cólicos nefríticos II

     ...Aina, unos prauticantes de prauticantes sácanme sangre, amás de furame les manes y moñeques con delles aguyes. Cuento qu’esti ye’l procesu de seleición porque'l que nun tien malura abonda bien seguro que nun torna más. Avéranme un tarru pa mexar que de secute-ys devuelvo enllenu. Pela vía, métenme de tou, sicasí sigue restallándome la mio faza intestinal manzorga mui bien de tiempu. A lo cabero, m’endilguen un deriváu de la morfina y en pasando un bon pedazu, entamo a aselar. Dos hores dempués me faen “una” placa. Pasaes otres dos hores, una doctora mui nueva m’encamienta que ye un cólicu renoureteral que lu produz una piedra. Nel intre-y pregunto qu'au ta asitiada y me retruca que nun sabe, que na placa nun se ve pero que peles buelgues y pela hematuria intensa saben qu’esiste. Amiesto que si nun convenía facer una ecografía y m’alderica qu’ellí “nun faen ecografíes”. A les cinco y media la mañana, tornamos pa casa col conseyu de que si duel llueu, vuelva pa Urxencies... 

¡L'ACABOSE!

      “Nin los toros nin el restu de los animales tienen derechu a la llibertá nin a la vida"

     Los humanos asoleyen lleis humanes. Los animales son seres vivos, al igual que nós, y deberíen tener una considerancia como tales que nun tienen. Nun hai lleis igualitaries para colos animales porque nun esiste dicha considerancia y los mandatarios, cuando hai pel mediu intereses políticos y económicos, prefieren inorar el so sufrimientu. Podemos finar cavilgando que los animales son ellos y les besties, les persones zotes ya inorantes (4. com. Persona zote ya inorante. O. t. c. ax. / Diccionariu R.A.E).

Tamos perdiendo l'aldu...

(Soleya, LNE)

     Dempués d'afitar por conveniencies la retrógada tortura de los probes toros como “bien cultural”, agora esto. Tamos perdiendo l’aldu...

Cólicos nefríticos (I)

     Arregállame’l reñón, m’españa, voltures, arreviento, tírome pal pisu...

     Serenes, serenes... Vien l’ambulancia. Piquen na puerta. El doctor entruga:

—¿Cómo se llama?, ¿cómo se llama?

     Endílgame daqué per vena y anecia en entrugar...

—¿Cómo se llama?, ¿cómo se llama?

     Yá-y lu dixi (Esti home tien que ser asturianu polo qu'aporfia)*.

     Nun respuendo al tratamientu de choque y apúrreme pal hospital. Ellí, otra mélicu me pregunta:

—¿Cómo se llama?, ¿cómo se llama?

     <<¡Rediós!, toi que muerro y paez que sólo-ys interesa’l mio nome>>...

^{* Esta aclaración póngola entre paréntesis por culpa de que nun garra les comines.}

(Voi siguir cuando tenga mas xeitu, dicen qu'esto manca más qu’un partu y llevo dolce díes pariendo ensin parar)