¡Pin, hai que comer pa medrar!, ¡Pin, hai
que comer pa medrar! Asina m’aporfiaben de pequeñu. Güei, tamién hai que comer
pa medrar; magar que, si dalgún nun tien pa comer, malamente va poder medrar.
Ensin embargo, hailos que comen a bogayu en cuenta de qu'otros nun lu faen y,
per ende, espolleten a goxa enllena pola mor d’ellos. Tamién hai políticos qu’amparen
a los fartones y qu'a nós namái nos estimen dos selmanes enantes de les
eleiciones, y de siguío nos escaecen. De la que nos quieren, nos cunten toa clas
de troles, como aquella de que les pensiones nun se van tocar y dempués-yos xuben
perbaxo l’IPC, que ye cenciellamente baxales. Asina que, dexavos de falcatrúes
y de querer engañar a los vieyos, qu’igual agora vos paguen con ese mesmo
escaezu.
No hay comentarios:
Publicar un comentario