Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

lunes, 14 de octubre de 2019

Alluendi del baturizu


Mui adulces, bien despacio,
al tornar de los Madriles,
van reformando un palaciu
onde pasen los abriles.

Tienen corredor y sala,
lu mesmu que nel cantar,
blasón de manera tala
y terraza pa folgar.

Dos plantes y l’antoxana,
dientro de la corralada,
prodúcenme envidia sana,
viven na Tierrina amada.

A la vera un castañal,
nun llugar cerca de Grau,
como la cosa anda mal,
nun digo au ta asitiáu.

Alluendi del baturizu
s’afitara la pareya,
pente’l xuiciu ya’l berizu,
quien pueda escoyer qu’escueya.

No hay comentarios:

Publicar un comentario