Güei vos voi felicitar
con un plizcu de retrasu,
que naide seya a pensar
que nun vos faigo nin casu.
¡Añu Nuevu bayurosu!,
traigan a toos, los reis;
qu’al 20 lu coma l’osu
polo que mui bien sabéis.
¡Salú y felicidá!,
sinón, nun val el dineru,
tres la murnia Navidá,
qu’entame allegre xineru.
Fine yá la mala zuna,
qué s’acabe l’amarraza,
qué furrule la vacuna
y vos quiera la rapaza.
Qué l'abrazu torne ceo,
qué salgamos prontu d’esta,
magar qu’entá pinte feu,
qué toque nel prau la orquesta.
Nesti Añu Xubilar,
aniciar un bon camín
−ensin que chingue’l pelgar−,
tolos amigos de Pin.
No hay comentarios:
Publicar un comentario