¿Sabes por qué pelos auriculares qu’apurren
nos trenes namái se siente per un oyíu? A min se m’abulta que ye por culpa de que
nos engañen fasta colo que nos regalen. Cunto que tolo que nos cuenten ta
condicionáu a lu que nos quieren contar. Que too son troles, que too ye una
comedia. Asina faen nes diverses cadenes de televisión, ufierten les mesmes
noticies pero comentaes según-ys pinta meyor. Pueque pa que nun s’entere’l
feligrés, pa que nun vea, pa que nun güela, pa que malapenes seya a sentir a medies,
como per esos auriculares qu’aporten nos trenes de llargu recorríu. Arriendes,
seique nesti país cuasi tol que pue meter mano nel estoriu del dineru, la mete.
Dempués, unos reburdien de los otros y quiciabes seya p’azorronar col veceru;
sicasí, la mayor parte lo podre nun remanez de lo fondero.
No hay comentarios:
Publicar un comentario