Una maraviya,
la meyor d’España,
Tinéu por villa,
Tinéu por braña.
Tien la meyor vista,
Ía la más tranquila,
anicia la llista,
ta enriba la fila.
Ía la más galana
ya la más prestosa,
s’agüeya la Fana,
la nublina posa.
Ta sobro un cairel,
pero ía una estrella,
arrogante, él,
la más guapa, ella.
Tinéu ía historia,
sou home, valiente.
Tinéu, la gloria
del nuesu occidente.
Na sienda del cielu,
Camín Xacobéu,
rosada por velu,
l’edén ye Tinéu.
Foi dende otra data,
cola cruz por signu,
blasón del pirata
y esti’l nuesu himnu.
Montes, praos ya murias,
col verde a degüellu.
Suerte ser d’Asturias,
más, d’esti conceyu.
No hay comentarios:
Publicar un comentario