(Piqué, La Sexta)
Un perro persigue por la autopista al camión que llevaba a su rebaño de ovejas al matadero en Girona.
Nun lu garren los taurinos,
nin siquier los cazadores,
nenguna triba malinos,
tampoco, maltratadores.
Nun saben nada les besties
de los otros animales,
¡qué los lleven males güesties!,
¡qué los lleven güesties males!
Nes oveyes y corderos,
nun ven más que son chuletes,
de Piqué, los compañeros,
son tayaes y filetes.
Bendita seya la estampa,
del que quier sin interés,
seyan collacios de campa,
o cuadrúpedu montés.
Escorrió pela autopista
al repunante camión,
pero–yos perdió la pista,
nun llogró la salvación.
Los sos güeyos de tristura,
la so cara de medrana,
una noble creatura
so la condición humana.
Exemplu pal despiadáu,
del home’l meyor amigu,
que se caltién al so llau,
magar produza respigu.
No hay comentarios:
Publicar un comentario